| No, nun te preuccupà, ca stongo bbuono,'o ssaie, adopp' 'o lampo vene sempe 'o tuono,mo guardo 'a vita adderet'a 'na fenesta,è nu diluvio, è proprio 'na tempesta....
Luntana, veco 'a luce e 'na lampara,è sola cumme a mme, là mmiez' 'o mare,'o piscatore spera, tiranno ncopp 'a rezza,comme io speravo l'ultima carezza.
Ma nun te scordo, nun te scurdaraggio mai,pecchè è overo, io t'aggio amato assaie,e me rimane ncuorpo sulo 'o bbene fotografato,chill'uocchie tuoie d' ammore, chhelli gghiurnate.
Arraggiunanno bbuono ammo peccato,'na storia bella si, ma assai sbagliata,cu nuie fujenne, ma sempe nammurate,era vero ammore, ma ammore sulo arrubbato.
Tremmanno mo scrive 'sti parole,e sento friddo, nun me scarfa 'o sole,e quanta vote aggio chiuse chesti mmane,e quanta vote t'aggia ditte: ja rimane...
'O core mio è rimasto 'e nisciuno,e saglio 'n cielo e te rialo 'a luna,è l'ultimo regalo ca te faccio,'a vita mia te lle stipate, 'o ssaccio....
E nun me serve scrivere pe tte 'n ata poesia,a che me serve si tu nun si cchiu 'a mia,nun me penzà cchiù, te voglie bene,e nun me cercà partenne da dimane.
|
